Ծաղկաձորում ավարտվել է «Ծաղկաձոր Օփեն 2026» միջազգային շախմատային մրցաշարը, որտեղ մեր շախմատիստները գրանցել են գեղեցիկ արդյունքներ՝ ցուցադրելով բարձր խաղամակարդակ և մարտական ոգի։
A խմբում բավականին հաջող են հանդես եկել Արտուշ Ավագյանն ու Արարատ Ստեփանյանը՝ զգալիորեն բարելավելով իրենց միջազգային վարկանիշը։ 💪📈
B խմբում փայլուն արդյունք է գրանցել Նարեկ Մկրտչյանը՝ հնարավոր 9 միավորից վաստակելով 7.5 միավոր և դառնալով մրցաշարի հաղթող։
Կանանց հաշվարկում առաջին տեղը զբաղեցրել է Նելլի Ջալալյանը՝ արժանանալով մրցաշարի լավագույն կին մասնակցի կոչմանը։
Մրցաշարի 4-րդ մրցանակային տեղն է զբաղեցրել Վահան Դեմուրչյանը։
Շնորհավորում ենք մեր շախմատիստներին գրանցած հաջողությունների կապակցությամբ։ Մաղթում ենք նորանոր հաղթանակներ, բարձր վարկանիշներ և փայլուն շախմատային ձեռքբերումներ։