Տ․ Պետրոսյանի անվան շախմատի տուն-մարզադպրոցն ամփոփում է տարին։
Սիրելի՛ շախմատասերներ, դեկտեմբերի 27-ին Տ․ Պետրոսյան անվան շախմատի տուն-մարզադպրոցում շախմատային Ամանոր էր:
Միաժամանակյա շախմատի խաղաշարեր դպրոցի սաների հետ։
Ամանորյա կայծակնային շախմատի մրցաշար։
Պարգևատրման արարողություն։
Մարզադպրոցի սաների հետ միաժամանակյա շախմատի խաղաշարեր անցկացրեցին Գրոսմայստեր,Հայաստանի վեցակի չեմպիոն, Հայաստանի հավաքականի կազմում շախմատի համաշխարհային օլիմպիադաների կրկնակի, Եվրոպայի թիմային առաջնության հաղթող Արտաշես Մինասյանը, Տիգրան Պետրոսյանի անվան շախմատի տուն-մարզադպրոցի մարզիչ-մանկավարժ, Միջազգային վարպետ Դավիթ Կարաթորոսյանը և մարզադպրոցի սան, միջազգային վարպետ Էրիկ Հակոբյանը։
Մարզադպրոցի սաների համար անցկացվեց ամանորյա կայծակնային շախմատի մրցաշար:
Օրը եզրափակվեց տարվա ամփոփմամբ և մարզադպրոցի լավագույն սաների պարգևատրման արարողությամբ։
Մարզադպրոցի տնօրինությունն ամփոփ ներկայացրեց տարվա արդյունքները՝ սաների ձեռքբերումները տարվա ընթացքում, այդ թվում՝ միջազգային և ազգային մրցաշարերում տարվա ընթացքում գրանցած լավագույն արդյունքները։
Մարզադպրոցի առաջնություններում, ինչպես նաև ազգային և միջազգային մրցաշարերում բարձր արդյունքներ գրանցած շախմատիստները պարգևատրվեցին դիպլոմներով, մեդալներով և գավաթներով։
Շնորհավորում ենք մեր բոլոր մրցանակակիրիներին, նրանց մարզիչներին՝ ցանկանալով Նոր տարում էլ ավելի մեծ նվաճումներ և հաղթանակներ։