Լավագույն տասնյակը
տղամարդկանց
1   Արոնյան Լևոն 2801
2   Մովսիսյան Սերգեյ 2671
3   Հակոբյան Վլադիմիր 2667
4   Սարգսյան Գաբրիել 2657
5   Մելքումյան Հրանտ 2642
6   Պետրոսյան Տիգրան Լ. 2601
7   Հովհաննիսյան Ռոբերտ  2595
8   Փաշիկյան Արման 2594
9   Գրիգորյան Կարեն 2586
10   Անդրիասյան Զավեն 2585
Լավագույն տասնյակը
կանանց
1   Դանիելյան էլինա 2415
2   Մկրտչյան Լիլիթ 2390
3   Գալոյան Լիլիթ 2291
4   Անդրիասյան Սիրանուշ 2281
5   Գևորգյան Մարիա 2262
6   Կուրսովա Մարիա 2259
7   Ղուկասյան Սիրանուշ 2207
8   Ասատրյան Սոնա 2171
9   Բաբայան Արմինե 2166
10   Սարգսյան Աննա Մ. 2160

Հուշեր Տ. Պետրոսյանի մասին

            

                     Հովհաննես Շիրազ

Տիգրան Պետրոսյանին

Չվախենաս փորձված գայլից

Նրա արած ոչ մի քայլից,

Դավթի նման զարկիր, գնա

Թող Մսրից փոշին մնա:

Այդ ո՞ր ազգն է հայից խելոք,

Հայից խելոք Տիգրանն է լոկ:

Շատ թագեր է կորցրել կյանքում

Հայրենիքը մեր հնագույն:

Այս նոր թագին որ տիրանաս

Աշխարհակալ պիտի դառնաս.

Բայց իմացիր՝ արևի տակ

Չի շողացել դեռ ոչ մի թագ

Որպես խելքի վկայություն,

Այդ թագն է, որ կվկայի

Իմաստությունը հայոց ազգի:

Տիգրան Պետրոսյան (1929-1984) ԽՍՀՄ և միջազգային գրոսմայստեր (1952), աշխարհի 9-րդ չեմպիոն (1963-1966 Մ. Բոտվիննիկին, 1966-1969 Բ. Սպասսկուն հաղթելուց հետո), փիլիսոփայական գիտությունների թեկնածու, ժուռնալիստ, «Սովետսկի սպորտ» թերթի հավելված «64» շաբաթաթերթի գլխավոր խմբագիր (1968-1977): Հեղինակ է «Շախմատը և փիլիսոփայությունը» (1968 թ.) աշխատության: Դիրքային պայքարի նուրբ գիտակ, խաղացած բազմաթիվ պարտիաներ տեղ են գտել շախմատային դասագրքերում: Պետրոսյանը լուրջ ներդրում ունի շախմատային տեսության ռազմավարության և մարտավորության զարգացման ասպարեզում: 1963 թ. Բոտվիննիկ-Պետրոսյան մրցախաղը Հայաստանում վերածնվեց ազգային զարթոնքի օրերի: Բոլոր հայերը շախմատով էին վարակվել, ամենուր շախմատն էր, հետաքրքրությունների, խոսակցությունների հիմնական նյութը շախմատն էր: Մայրաքաղաքի «Մոսկվա» կինոթատրոնի հրապարակում տեղադրված հսկա ցուցատախտակի վրա վերարտադրվում էին խաղի քայլերը: Հազարավոր մարդիկ սիրով հինգ-վեց ժամ համակ ուշադրությամբ հետևում էին իրենց տաղանդավոր հայրենակցի գործողություններին, չնայած նրանց մեծ մասը քիչ է հասկանում շախմատի նրբություններից, բայց դա կարևոր չէր: «Մի օր նկատոցի, որ մի մարդ Տիգրանի յուրաքանչյուր քայլից հետո մի մեծ կում է անում իր հետ բերած գինու տակառիկից: Նրա համար էական էլ էր, թե ինչ է խաղացել Պետրոսյանը, ակնհայտ էր, որ Տիգրանի ֆիգուրների ցանկացած շարժում այդ մարդու համար մի հանճարեղ քայլ է: Այդ օրը Պետրոսյանը հաղթեց,և պարտիայի ավարտին տակառիկով մարդն ամբողջ գինին լցրեց գլխին…»:

Գ. Հովհաննիսյանը:

Պետրոսյանի հետ ես շատ էի շփվում, և այդ շփումը ինձ անչափ օգնեց: Նա կենդանի դասական էր: Պետրոսյանի հարուստ փորձը, շախմատի խաղատախտակի վրա (և ոչ միայն) ծավալվող գործողությունների դիպուկ գնահատականները հետագայում ինձ շատ օգնեցին աշխարհի չեմպիոնի կոչման համար մղվող բարդ պայքարում: Եվ, իհարկե, ինձ համար ծանր հարված էր, որ իմ ամենաառաջին մրցախաղից առաջ ես զրկվեցի Պետրոսյանից՝ մեծ բարեկամից և ուսուցչից:

Գարրի Կասպարով

* * *

«Պետրոսյանը կարողանում է սպառնացող վտանգը տեսնել և չեզոքացնել 20 քայլ առաջ: Ես միշտ զարմացել եմ, թե ինչպես է Պետրոսյանին հաջողվում, հիանալի դիրք ստանալուց հետո, անընդհատ մանևրել այնպես, որ իր դիրքն ավելի ուժեղանա»:

Ռոբերտ Ֆիշեր

* * *

«Եթե շախմատի պատմության մեջ փնտրեք Պետրոսյանի «նմանակին», ապա կհասնեք Կապաբլանկային … Պետրոսյանը նման չէ այն վագրին, որը հարձակվում է իր զոհի վրա: Նա ավելի շուտ վիշապօձ է, որը խեղդամահ է անում իր զոհին, կամ կոկորդիլոս է, որն սպասում է հարմար պահի՝ վճռական հարված հասցնելու համար: Պետրոսյանը ականավոր ռազմավար է: Եթե նա սկսի մի քիչ զոհաբերել, ապա հնարավոր չի լինի նրա հետ շախմատ խաղալ» :

Մաքս Էյվե

* * *

Պետրոսյանը կոմբինացիոն մեծ հզորություն ունեցող ականավոր ստրատեգ է: Նա չի վախենում բարդություններից և հավատում է իր ուժերին:

Մաքս Էյվե

* * *

Պետրոսյանը գերազանց տիրապետում է կոմբինացիոն խաղին: Նրա պարտիան Գիմարի հետ ժամանակակից շախմատի լավագույն կոմբինացիոն նմուշներից մեկն է:

Իսահակ Բոլեսլավսկի

 կարդալ ավելին

На картинке показывается область загрузки. Она видна постоянно только в программе для удобства настройки по дизайну.